police-reportIloilo — Dakop ang barangay tanod nga nagabaligya sang illegal nga druga matapos ang pito ka bulan nga surveillance sang Batad PNP.

Nadakpan sa buybust operation sang gintingub nga puwersa sang Batad police kag Special Operations Unit sang IPPO sa Barangay Malico, Batad si Bernard Macahilo, 34-anyos sang amo man nga barangay.

Nakuha kay Macahilo ang 3 ka plastic sachet sang suspected shabu, mga drug paraphernalia kag P200 nga buybust money.

Ginpahayag ni Inspector Melecio Cachuela sang Batad PNP nga nagakuha sang supply sang illegal drugs si Macahilo sa Balasan kag Estancia.

Gin-ako naman ni Barangay Tanod Macahilo nga nagagamit ini sang illegal drugs apang wala nagabaligya.

Gin-alegar sini nga may nagbutang sang plastic sachet sang shbau sa iya bulsa sang ginhimo ang buybust operation sa iya balay. (JoMaque)

Leave a Reply