Good News: Pamasahe sa mga depasahero nga jeep sa Western Visayas, maganubo umpisa sa masunod nga semana!

Iloilo City — Maganubo na umpisa alas 12:01 sa Pebrero 1 ang plete sa mga depasahero nga jeep sa Western Visayas.

Suno kay LTFRB 6 legal officer atty jose marie lamparero, pirmado na ni LTFRB Chairman Winston Ginez ang Petition for Fare Reduction para sa mga Public Utility Jeepneys (PUJs) sa rehiyon.

Bangud sini, mahimo na nga P6.50 ang regular nga pamasahe samtang P5 naman sa mga estudyante, senior citizens kag person with disabilities (PWDs).

Ginpahayag ni Lamparero nga magahatag sila sang isa ka semana  sa mga operators nga magkuha sang notice sang bag-o nga fare rate halin sa LTFRB nga ipatapik sa tupad sang taripa sang kada depasahero nga jeep.

Mangdakop naman suno sa iya ang LTFRB sa mga driver sang PUJs kon makita nga wala sang may natapik nga notisya para sa bag-o nga pletehan sa ila salakyan makaligad ang isa ka semana. (JoMaque)