ComelecIloilo City — Nagsugod na libot ang City Commission on Elections (COMELEC) kag nagpang-marking sang gintigana nga mga lugar sa kada political parties agud butangan sang ila campaign materials.

Ginlaygayan ni Jonathan Sayno, election officer 2 sang City Comelec, ang mga kandidato nga tsekyaron sa kada common poster area kon diin naka-position ang ila campaign materials.

Una na ginpabutyag ni Sayno nga nahisugtan sa meeting sang Sabado upod sa mga nagapadalagan sa Mayo 9 nga eleksyon kon diin ang common poster area sa kada distrito.

Na-raffle naman ang positioning sang kada campaign materials.

Ginpahanumdom ni Sayno nga isa ka poster lang ang ginatukod sa kada kandidato sa kada common poster area.

Mahimo man suno sa iya nga magpangtapik sa pribado nga lugar pero dapat nakalisensya sa tag-iya kag dapat indi maglapaw sa gintalana nga kadakuon. (JoMaque)

Leave a Reply