Pulis nga assign sa Maasin PNP, magapangatubang sang madamo nga kaso bangud sa pagpinalupok sang pusil

Maasin, Iloilo — Manghilam-os sang kaso ang police nga assign sa Maasin Police Station nga ginpahayag nagpinalupok sang pusil kagab-i sa Barangay Tubang.

Suno kay Inspector Maria Theresa Lero, hepe sang Maasin PNP, magapangatubang sang kaso nga grave threats, alarm and scandal kag paglapas sa Comelec Gun Ban si PO2 Jessie James Marabe, 30-anyos sang Brgy. Tubang, Maasin.

Magluwas sa kaso kriminal, magapangatubang man sang kaso administratibo si Marabe sa Regional Internal Affairs Service (RIAS) sang Police Regional Office 6.

Ginreklamo sang mga pumuluyo si Marabe nga nagpinalupok sang 9mm pistol kag m16 rifle.

Ginpahayag nga hubog si Marabe sang nagpauli sa ila balay kag nakabais ang iya asawa tubtub nga nagpinalupok ini sang pusil.

Gintayaan man sang pusil ni Marabe si Mamerto Malones, tag-iya sang balay nga ginpanaguan sang iya asawa. (JoMaque)