PNOY

Pavia, Iloilo–Duha ka events sa banwa ang pagatambungan ni Presidente Noynoy Aquino sa iya nga pagpadulong sa Iloilo subong nga adlaw.

Pangunahan sang pangulo ang pagturn over sang 3-storey, 18-classroom building sa Pavia National High School bilang kabahin sang Matuwid na Daan sa Silid-Aralan School Building Project sang gobyerno. Ang proyekto, ginpondohan sang Philippine Gaming Corporation (PAGCOR) paagi sa Department of Public Works and Highways (DPWH). Maka-akomodar ang building sang 900 ka mga estudyante sa diin 50 ka mga estudyante ang maka-okupar sa kada classroom.

Magluwas sini, pangunahan man ni PNoy ang ceremonial switch-on sang Panay Sitio Electrification Project sang National Electrification Administration sa Pavia.

Base sa schedule, magatambong man si Presidente Aquino sa kick-off rally sang national candidates sang Liberal Party sa Iloilo Freedom Grandstand. Bangud sa event, siraduhan ang dalan JM Basa, City Proper halin alas-3 sa hapon tubtub alas-10 sa gab-i. Linibo ka supporters sang partido ang ginapa-abot nga magatambung sa rally. (Aine Grace Bravo)

Leave a Reply