UPDATE: Pulis nga ginreklamo sang pagpinalupok sang pusil sa Maasin, napasakaan na sang kaso

Maasin, Iloilo–Napasakaan na sang kaso si PO2 Jessie James Marabi, ang pulis nga assign sa Maasin Police Station, nga gintudlo nagpinalupok sang pusil sa Barangay Tubang sang Pebrero 7 sang gab-i.

Suno kay PCINSP Cecilia Hulleza, Public Information Officer sang Iloilo Police Provincial Office, ginhingagaw nga ipasaka kahapon ang kaso nga alarm and scandal kag paglapas sa Comelec gun ban batuk kay Marabi. Pasakaan man sang kaso administratibo si Marabi sa Regional Internal Affairs Service bangud sa illegal discharge of firearms.

Ginreklamo si Marabi nga nagpinalupok sang iya 9mm pistol kag m16 rifle matapos nag-away sila sang iya asawa. Ginpasuni nga gintayaan man sini sang m16 rifle ang kasilingan nga si Mamerto Malones.

Preso gihapon ang pulis sa karsel sang Maasin Police Statio. (Aine Grace Bravo)