UPDATE: Duha sa tatlo ka aktibo nga pulis nga ginpahayag nag-upod sa bata ni PDEA 6-identified drug personality Melvin Odicta alyas Boyet nga nagtest fire sa firing range sa Iloilo, ginrelieve!

Iloilo City–Gin-relieve ang duha sa tatlo ka mga pulis nga ginpahayag nga nag-upod kay Melvin Odicta Jr sa pagest fire sa firing range sa syudad.

Ginkumpirmar ni Police Regional Office (PRO) 6 Spokesman PSUPT Gilbert Gorero nga gin-relieve sa Regional Intelligence Unit 6 si SPO4 Joey Rodillado kag ginbalik sa Campo Crame sang nagligad nga semana. Ginsaylo man sa Regional Personnel and Holding Action Unit si PO3 Ric Martin Poblador halin sa Regional Special Operations Group (RSOG). Nagapabilin naman sa Regional Health Service (RHS) si PO2 Vicente Amatril.

Katuyuan sini suno kay Gorero nga indi ma-impluwensyahan nanday SPO4 Rodillado kag PO3 Poblador ang imbestigasyon nga ginahimo sang Regional Investigation and Detective Management Division (RIDMD).

Sanday SPO4 Rodillado, PO3 Poblador kag PO2 Amatril kaupod ang pila ka retirado nga pulis ang namitlangan sa senate inquiry sang Committee on Public Order and Dangerous Drugs angut sa tuyo nga pagsaka sang grupo ni PDEA 6-identified top drug personality Melvin Odicta alyas Boyet sa Aksyon Radyo Iloilo sang nagligad nga tuig. (Aine Grace Bravo)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %