Accidental Firing

Ajuy, Iloilo–Pasakaan sang kaso nga murder ang 18-anyos nga anak nga nag-ako sa pagpatay sa iya kaugalingon nga amay sa Brgy. Pili sang Mierkules sang gab-i.

Suno kay PINSP Kent Jerek Capadosa, may upod si Karl Manuel Pagdato sa pagpatay sa iya amay nga si Manuel Pagdato, 48-anyos, kabangdanan indi ini puwede makasuhan sang parricide kundi murder.    Ginakumpleto na sang Ajuy police ang mga dokumento agud ma-file ang kaso batuk sa mga suspetsado.

Sa imbestigasyon, 23 ka pilas sang pagkabuno kag apat ka pilas sang pagkatiro ang naagum sang biktima. Ginpanghiwala naman ni Capadosa nga bangag sa illegal drugs si Karl bangud matarong man ini nga istoryahon kag indi na kinahanglan ipa-idalum sa drug test.

Dumot ang ginasunod nga motibo sang Ajuy police sa krimen bangud sa ginpahayag pagpa-untat sang amay sa pagpa-eskuwela sa iya anak kag pagdala sini sang iya karelasyon sa ila balay.

Narecover sa lugar ang lima ka empty shells, isa ka slug kag isa ka magazine sang 45-caliber pistol apang wala na nakita ang pusil kag kutsilyo nga gingamit sa krimen. (Aine Grace Bravo)

0 thoughts on “UPDATE: 18-anyos nga anak nga nag-ako sa pagpatay sa iya amay sa Ajuy, pasakaan sang kaso nga murder”
  1. Gudevening po..sir pati ang migo n Carl pasakaan mn kaso?sino mapasaka kaso?tiya ako ka migo nya..d mahimo ka bata kn wala sya ng suffer..thank u

Leave a Reply