SEN POE
Presidential Candidate and Sen. Grace Poe at Aksyon Radyo Iloilo

Iloilo City–Ginkalipay sa pagbalita ni presidential candidate kag Senator Grace Poe nga napasar sang Senate Committee on Public Order and Dangerous Drugs ang ila version sang hagna agud ma-exempt ang mga operasyon kontra illegal drugs sa Anti-Wiretapping Law.

Suno kay Poe, suportado sang madamo nga senador ang bill nga kon makapasar kag ma-aprubahan, makabulig gid sang daku sa pagtipon sang gobyerno sang mga ebidensya sa pagprosecute sang mga kaso sa illegal drugs. Nadugangan ang suporta sa bill suno kay Poe kasunod sang natabu sa Aksyon Radyo Iloilo.

Makaduha ka beses nga naghiwat sang imbestigasyon ang komitiba sang senadora agud matungkad ang illegal drug activities sa Iloilo. Nag-ugat ini sang gintuyo sakaun ang Aksyon Radyo Iloilo sang negosyante nga si Melvin Odicta alyas Boyet nga gin-identify sang ulihi ni PDEA-6 Director Paul Ledesma nga lider sang Odicta Drug Group. Nagpromisa si Poe nga liwat buksan ang hearing sa senado kon may matabu naman sa Aksyon Radyo.

‘Nakakagalit’

Nadismaya naman si Sen. Poe bangud wala gihapon nakuha sang Iloilo City Police Office ang mga armas ni Odicta. Posible suno sa senadora nga nagahulat sang court order ang mga pulis agud mapuwersa nga makadtuan si Odicta kag makuha ang mga armas.

Nag-react si Poe matapos nagpaguwa ang FEO License Revocation and Restoration Board ukon FLRRB sang resolution for revocation sa license to own and possess firearms sa mga armas ni Odicta. (Aine Grace Bravo)

Leave a Reply