police-reportIloilo City — Ginahulat na lang sang General Santos City PNP ang court order agud mapabalik sa syudad sang Iloilo si Hamza Kayani nga may kaso nga murder.

Kasunod ini sa pagkadakop kay Kayani sa National Highway sang General Santos City sang gintingub nga puwersa sang South Cotabato kag GenSan City PNP.

Wala na nagbato si Kayani suno kay Chief Inspector Hoover Antonio, station commander sang Police Station 1 sang General Santos City PNP, sang ginserbihan sang warrant of arrest samtang nagakaon sa fast food chain.

Suno kay Antonio, Disyembre 2015 pa nagatiner si Kayani sa General Santos City kag naga-arkila sa boarding house.

Ginatudlo si kayani nga nagtiro patay kay Rogelio Amil Jr., sang Barangay Ticud, La Paz sang Setyembre 14, 2015 sa  The Q drive-in motel sa La Paz.

Samtang ginahulat ang court order, temporaryo nga ginpreso si Kayani sa karsel sang General Santos City PNP. (JoMaque)

Leave a Reply