12714487_1189510474400796_531459699_n

Iloilo City–Ginbanta sa 1.6 milyones pesos ang balor sang 10 ka mga pusil ni PDEA 6 identified top drug personality Melvin Odicta alyas Boyet nga ginturn-over niya sa Police Regional Office 6.

Suno kay PSUPT Conrado Carganillo, chief sang Firearms and Explosives Unit ukon FEU sa Campo Delgado, P1, P667,000 ang kabug-usan nga balor sang mga pusil.

Ang pinakamahal nga pusil nagabili sang P480,000 nga ginalakipan sang high-powered firearm Tavor 5.56 kag .9mm machine pistol. Ang pinakabarato naman nagabili sang P30,000 nga 38-caliber revolver.

Natago na sa firearms vault ang mga gin-deposito nga pusil matapos gin-revoke sang Firearms and Explosives Office License Revocation and Restoration Board ukon FLRRB sa license to own and possess firearm ni Odicta.

Pa-athag

Ngpa-athag naman si PCINSP Rio Maymay, hepe sang ICPO-Police Station 1, kon nga-a 10 lang sa 12 ka pusil ni Odicta nga gin-revoke ang lisensya ang ginturn-over niya sa PRO-6.

Suno kay Maymay, wala pa gina-uyatan ni Odicta ang duha ka 40-caliber pistol nga ginpalisensyahan sang Enero subong nga tuig.

Pag-athag ni Odicta suno sa opisyal, wala pa mahatag sang gun store nga Metrillo Gun Corp. sa Metro Manila ang iya ginbakal nga mga pusil. (Aine Grace Bravo)

Leave a Reply