Provincial DILG, nagpatpat sang mga pagsulundan sa Lakbay Aral sang mga local officials

Iloilo–Dapat nagasunod sa tatlo ka mga konsiderasyon sang bag-o nga Memorandum Order sang Department of Interior and Local Government ang pag-conduct sang lakbay aral sang mga local officials.

Pahayag ini ni DILG Provincial Director Teodora Sumagaysay kasunod sang natalana nga lakbay aral sang mga punong barangay sang Bingawan sa Tagaytay kag Baguio sa Pebrero 25 tubtub 27. Sa guidelines sang bag-o nga DILG memo, nasaad nga dapat may approval sang local chief executive ang aktibidad, nasakop sa capacity development agenda ang lakbay aral kag dapat may good practices ang mga lugar nga ila kadtuan.

Kon masunod suno kay Sumagaysay sang local officials ang tatlo ka considerations, puwede na makahatag sang favorable endorsement ang DILG regional office para sa ila aktibidad. (Aine Grace Bravo)