UPDATE

Iloilo City–Daku nga bulig ang CCTV footage agud madakpan ang ginatudlo nga nagbuno patay kay Claire Tomesa, 29-anyos sang Aguinaldo, Lapaz sang nagligad nga semana.

Suno kay Punong Barangay Peter Chong sang McArthur, Lapaz, gintutukan gid sang Lapaz police sa pagpanguna ni PSINSP Edgar Anonoy ang kuha sang CCTV camera sa suspek nga si Ricardo Barredo, 34-anyos sang Sitio Dapdap, General Hughes, City Proper. Magluwas sini, madamo man sang mga nagpadala sang impormasyon paagi sa text messages sa Lapaz police agud matudlo ang ginapanaguan ni Barredo.

Nadakpan si Barredo kahapon sang kaagahon matapos gintudlo ni Roger Pulmones, 52-anyos McArthur, Lapaz. Si Pulmones naman nga ginatudlo mastermind sa krimen ang nadakpan sa drugbust operation sang Lapaz police.

Gintudlo ni Barredo si Pulmones nga nagsugo nga holdapon si Tomesa pero nagbato suno sa iya gani nga iya gindusak sa dughan. Pero indi magpati si Punong Barangay Chong nga pagpanghold-up ang motibo sa krimen. (Aine Grace Bravo)

Leave a Reply