Cong. Arcadio Gorriceta

Iloilo City — Wala sang batasan si Congressman Arcadio Gorriceta sang segundo distrito nga ipamilit ang iya ginaduso nga kandidato sa Mayo 9 nga eleksyon.

Pahayag ini ni Gorriceta kasunod sang pag-endorso sini sa kandidatura ni Congressman Jun-Jun Tupas sang 5th District sa pagka-bise gobernador sa probinsya sa idalum sang Liberal Party.

Suno kay Gorriceta, ginahambal lang sini ang iya panindugan kag nagapangabay sang suporta sa iya desisyon.

Kon may ara nga indi magsunod, ginpasiguro sang kongresista nga wala siya sang batasan nga magdumot ukon magpamigos.

Welcome naman sa second district suno kay Gorriceta ang mga Garin nga magkampanya sa kandidatura ni Guimbal Mayor Christine Garin nga kasumpong ni Congressman Tupas.

Gin-athag ni Gorriceta nga ginpabalo sini ang mga Garin nga bilang party man, suportahan sini ang kandidato sang LP. (JoMaque)

Leave a Reply