Update: Tag-iya sang Arzea taxi, indi magbulig sa iya driver nga nag-ako nagtuyo sa pag-check in sa lodging house sang pasahero sini nga babaye
Read Time:1 Minute, 43 Second
Iloilo City — Indi magbulig ang tagdumalahan sang Arzea taxi sa driver sini nga si alyas Totong.
Suno kay Mr. Arturo Savilla, Jr., tag-iya sang Arzea taxi, kahuy-anan ang ginhimo ni Totong nga nag-ako gintuyo sini nga i-check in sa drive-in motel ang dalagita nga pasahero nga si alyas Inday.
Gin-athag ni Savilla nga wala siya nagkulang sa pagpahanumdom sa mga driver nga dapat mag-kurtesiya kag respetuhon ang kinamatarong sang pasahero.
Bangud sa abuso nga ginhimo ni Totong, wala ini sang malauman nga bulig halin sa kompaniya.
Preso sa gihapon si Totong matapos ginpadakup ni Inday sang nagligad nga adlaw sa Brgy. Benedicto, Jaro.
“Sorry”
Nag-sorry ang asawa sang 53 anyos nga taxi driver nga nag-ako nga nagdala sang iya menor de edad nga pasahero nga babaye sa lodging house.
Para sa iya bana nga si alyas Totong, driver sang Arzea taxi, nag-sorry si alyas Vina sa pamilya ni alyas Inday bangud sa ginhimo sini.
Suno kay Vina, gin-ako sang iya bana nga gindala sini sa motel si Inday bangud nga gin-alegar nagpakita man sang motibo.
Aminado ang ginang nga may duha ka kabataan nga lalaki sa driver nga mahilig sa babaye ang iya bana.
Sa una na nga interview kay Totong, gin-alegar sini nga gindala niya sa lodging house si Inday bangud wala man nagkontra sa iya mga istorya pero gindul-ong niya man sa Jaro sang nagbalibad sang ulihi si Inday.
Sa version naman ni Inday, ginpabutyag sini nga nagalain ang iya pamatyag sang nagsakay sa taxi gani nga natulugan siya kag nakibot sang nabatian ang tunog sang roll-up door sa lodging house gani nag-ayo siya sa driver nga idul-ong siya sa Jaro.
Gin-alegar man ni Inday nga ginhurikap siya ni Totong sa paa kag nag-ayo pa ini sang halok samtang paguwa sila sa motel.
Ginkasuhan na ang driver sang paglapas sa Child Abuse Law. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
One thought on “Update: Tag-iya sang Arzea taxi, indi magbulig sa iya driver nga nag-ako nagtuyo sa pag-check in sa lodging house sang pasahero sini nga babaye”
Leave a Reply
You must be logged in to post a comment.
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Kon ako operator Indi man ko magbulig Kay kahuluya gid…bilang operator man wala gid kami gakulang sang hambal sa amon mga drivers..maayo lang Kay jeep ang amon gnapabiahe..malayo sa sulay…