police-report

Pototan, Iloilo–Patay ang lalaki nga gintiro sa Barangay Barasan Ilawod kaina sang kaagahon.

Suno kay PSINSP Ariel Corcino, hepe sang Pototan PNP, ginkilala ang biktima kay Ramil Peñaranda, 42 sang Barangay Cato-ogan sa amo man nga banwa nga may pilas sa tuo nga guya. Natabu ang pagpangluthang sa higad sang karsada pasado alas-3 kaina sang aga. May baisay pa nga nabatian ang mga residente antes ang paglupok sang pusil. Gindala pa ang biktima sa ospital pero gindeklarar nga dead-on-arrival.

Narecover sa crime scene ang baseyo sang suspected nga 45-caliber nga pusil. Gina-imbestigaran pa sang Pototan police ang motibo sa krimen kag ang identity sang suspek. (Aine Grace Bravo)

Leave a Reply