El Niño

Iloilo — Masobra sa 1 ka libo ka hektariya sang humayan sa 4 ka kabanwahanan sa probinsya ang naapektuhan bangud sang malawig nga tig-ilinit.

Ginpahayag ni Provincial Agriculturist Ildefonso Toledo nga masobra sa P20-million ang halit sa humayan kag kadam-an nga nahalitan ang rain feed nga mga talamnan ukon mga nagasalig lang sa ulan.

Mahimo suno kay Toledo nga dugang pa nga banwa ang mahalitan kon maglawig ang tag-ilinit sa masunod nga bulan.

Gin-athag ni Toledo nga indi naman apektado ang iban nga agricultural crops sa malawig nga tig-ilinit magluwas lang sa humayan bangud ang iban nga pananom kasubong sang melon kag monggo ang ginakabig nga summer crops kag wala na nagakinahanglan sang bastante nga tubig. (JoMaque)

Leave a Reply