police-reportCalinog, Iloilo — Nasapwan nga patay ang 48-anyos nga lalaki sa ila balay sa Barangay Uwak, Calinog.

Ginpahayag ni Senior Inspector Bonifacio Alabe sang Calinog PNP nga nakit-an sang kasilingan nga si Johnson Cardona si Norberto Castronuevo nga may pilas sa likod sang iya hawak.

Antes nasapwan ang biktima, nakabati sang lupok si Cardona pasado alas 12 sang kaagahon.

Ginapatihan ni Alabe nga 12-gauge shotgun ang gingamit sa pagtiro kay Castronuevo bangud sang nakit-an nga mga balines sang bala sa sulod sang ila balay.

Nag-ako ang asawa ni Castronuevo nga palahubog ang iya bana kag masabad kon naka-inum. (JoMaque)

Leave a Reply