70 ka kabataan sa Carles, ginrport nga na-food poison!

Carles, Iloilo — 70 ka kabataan ang gin-alegar na-food poison sa Brgy. Abong, Carles kahapon.

Ginpahayag nga nagtambong sa aktibidad nga gin-organisar sang non-government organization (NGO) ang mga biktima.

Naka-experyensya sang pagsakit sang tyan kag pagpalanuka ang mga biktima matapos nakakaon sang baboy kag manok nga handa sa amo nga aktibidad.

Gindala kaina sang aga sa Jesus Colmenares District Hospital ang mga biktima apang 65 sa mga ini ang gin-discharge na samtang 5 pa ang padayon nga gina-obserbahan.

Gina-imbestigaran na kon ano ang rason sang ginaalegar food poison sang mga biktima. (JoMaque)