Update: Utod sang napatay nga manug-ihaw sa Leganes, nagapati nga hinubog ang rason sang insidente!

Leganes, Iloilo — Nagdumdum ang manghod sang manug-ihaw nga lahog-lahog lang ang ginhimo sang iya utod kag police nga assigned sa Leganes Police Station.

Suno kay Lito Carrera alyas Boyboy sang San Vicente Leganes, ginasipit ni PO2 Rannie Onelongo ang iya magolang nga si Levy paguwa sa Dods-Mae Videoke House sa Bangga Mauring sa nasambit nga banwa, sang hinali lang sila nga natumba sa pwertahan.

Nagtuyo si alyas Boyboy nga patindogon ang duha apang gintiro ini ni Onelongo apang wala na-igo sang gintapi ang pusil.

Gin-ako ni alyas Boyboy nga ginbuno ni Levy si Onelongo sa tiyan kag nakabalos tiro ang pulis sa iya utod kag na-igo sa tu-o nga abaga.

Gindeklarar nga dead-on-arrival si Levy sa West Visayas State University Medical Center samtang napatay si Onelongo samtang gina-operahan sa Iloilo Mission Hospital pasado alas 5 kaina sang aga.

Nagapati si alyas Boyboy nga hinubog ang rason sa insedente kag indi ang utang sang iya utod sa pulis nga wala nabayaran.

Indi man makasiguro si alyas Boyboy nga nagagamit kag nagabaligya sang illegal drugs ang iya utod.

Si Onelongo ang miembro sang Municipal Anti-Illegal Drug Special Operations Task Group (MAIDSOT). (JoMaque)