12745647_450266115162191_8312757976010604176_n
Camposanto de San Joaquin

Iloilo — Pito ka puntos ang ginpaguwa sang national museum pagkatapos sang ocular inspection sa ginkutkot sa sulod sang national cultural treasure nga Camposanto de San Joaquin kahapon.

Ang importante nga puntos suno kay Mayor Ed Servidad sang San Joaquin amo ang mga masunod: una, gindeklarar ni National Museum Assistant Director Angel Bautista nga ang Archdiocese ang nagapanag-iya sang Camposanto kag patyo; ikaduha, ang National Museum amo ang magagiya kag magapondo sa rehabilitasyon kag maintenance sang Camposanto; ikatatlo, ang Local Government Unit amo ang maga-facilitate sa koordinasyon sang concerned government agencies kag Archdiocese antes ang rehabilitasyon; ikaapat, ang LGU kag Archdiocese kinahanglan nga magbuligay; ikalima, mahimo makahatag sang bulig para sa pagpakay-o ang pribado nga sektor ukon indibidwal; ikaanum, ang pagsecure sang mga pulis sa area ang igahatag sang LGU kag ikapito, ang LGU mapahimo sang tarpaulin agud ipabalo sa publiko nga delikado ang camposanto nga marumpag bangud sang kadalumon sang ginkutkot nga buho nga ginbanta nagalab-ut sa 60 ka tapak.

Ginsuhestyun ni Bautista ang pagsirado kag pagsecure sang palibot sang Camposanto bangud nga natandog ang foundation. (JoMaque)

Leave a Reply