Sicogon Island
Sicogon Island (Photo credit to the owner)

Iloilo–Mangin pareho sang Phuket sa Thailand kag Bali sa Indonesia nga ginadugukan sang mga turista ang Sicogon Island sa Carles.

Ini suno kay Governor Arthur Defensor sa tiun nga matapos na ang development sa isla nga ginapanag-iyahan sang Sicogon Development Corporation (SIDECO). Sang damlag lang, gin-aprubahan na sang Department of Agrarian Reform (DAR) ang application sang SIDECO para sa land conversion sa lugar halin sa agricultural padulong sa commercial kag tourism area.

Ginabanta sa apat tubtob lima ka tuig ang development sa area nga mangin world class tourist destination sa tiun lubos na nga mag-operate. Daku ini nga bulig sa mga Ilonggo suno sa gobernador bangud mangin sentro naman sang turismo sa Western Visayas ang Sicogon.

Dugang sang gobernador, mas mangin plastado ang area bangud naplanuhan sang maayo kag isa lang ang nagapanag-iya indi pareho sang Boracay nga nagapinagusto lang patindog ang mga tag-iya sang ila hotels ukon restaurants. Ang area nagasakop sang 334.6 ektaryas nga duta nga nagalakip sang mga barangay sang San Fernando, Alipata kag Buaya. (Aine Grace Bravo)

Leave a Reply