PAUL LEDESMA
PDEA 6 Director Paul Ledesma

Iloilo City — Dapat makasumiter sang listahan sang mga ginadudahan nga drug personalities sa ila barangay subong nga adlaw ang mga punong barangay nga gin-subject sa Oplan Limpiyo Barangay Delta.

Suno kay Philippine Drug Enforcement Agency (PDEA 6) Director Paul Ledesma, naghatag siya sang tubtob subong nga adlaw agud mapasa sang mga punong barangay ang listahan kay Chief Inspector Rio Maymay sang Police Station 1.

Si Maymay suno sa iya ang magasugid sa iya kun sin-o nga punong barangay ang wala nakasumiter sang listahan.

Dire man suno kay Ledesma mahibaluan kun sin-o nga punong barangay ang wala naga-ugyon sa kampanya kontra illegal nga druga.

Kalakip sa mga ginpaidalum sa Oplan Limpyo Barangay Delta ang 9 ka mga barangay nga ginalakipan sang Santo Rosario Duran, General Hughes, Ortiz, Muelle Loney, Concepcion, Veteran’s Village, Zamora-Melliza, Legaspi-Dela Rama kag Monica-Blumentritt. (JoMaque)

Leave a Reply