Mayor Jed Patrick Mabilog, ginrekomendar sang Ombudsman-Visayas nga pasakaan sang kaso bangud sa ginpahayag indi mapaathag nga manggad

Iloilo City — Ginrekomendar sang Ombudsman-Visayas ang pagpasaka sang kaso kontra kay Mayor Jed Patrick Mabilog bangud sa ginpahayag indi mapa-athag nga manggad.

Sa 16 ka pahina nga report, nabutang nga base sa lifestyle check kay mabilog, tuman ka dasig sang paghabok sang manggad sang alkalde.

Base sa Statement of Assets, Liabilities and Net Worth (SALN) ni Mabilog, narecord ang P7.37 million nga manggad sang alkalde sang 2004.

Nahimo ini nga P9.711 million sang 2005, P16.51 million sang 2006 kag nagtimbuook sa P44.45 million sang 2007.

Ginsumiter ang Ombudsman report sang Marso 10, 2014 ni Investigator Theodore Banderado kag gin-aprubahan ni Paul Elmer Clemente nga Deputy Ombudsman for the Visayas sang Nobyembre 12, 2015.

Nag-ugat ang rekomendasyon sa complaint ni journalist Manuel Mejorada sang Nobyembre 16, 2011.

Nabaton na ni Mejorada ang report sang nagligad nga biernes. (JoMaque)