12325527_201600303536796_1478334553_o
Photo by Aksyon Jorge Cabrera

Oton, Iloilo — Ginpadakop sang punong barangay sang Tagbac Sur, Oton ang iya anak bangud sa ginpahayag na-adik na sa illegal drugs.

Ginreport ni punong barangay Fely Javellana ang anak nga si Andrew Mark Javellana, alyas Bonbon 27-anyos, sa mga pulis bangud nga nagalain na ang pamatasan sini.

Nagtuyo pa si Andrew Mark nga magbatu sa mga pulis sang nag-abot sa ila balay gamit ang tigib apang napunggan.

Narecover sa kuwarto sini ang duha ka sachet sang suspected shabu kag lighter. 12422418_201600260203467_710031245_o

Suno kay punong barangay Javellana, nagsugod sa pagbisyo ang iya bata sang high school bangud sa impluwensya sang barkada tubtub nga naglala.

Nagapakita na suno sa iya sang pagka-bayolente si Andrew Mark bangud sa sobra nga pagamit sang illegal nga druga. (JoMaque)

Leave a Reply