Iloilo City — Hubas na ang 55 ka mga bubon sa relocations sites sa Barangay Lanit, Jaro kag alas 8 pa lang sang aga wala na sang tubig.

Ini ang rason suno kay Lanit Jaro Punong barangay Simplicio Subaldo nga ginlakip ang iya barangay nga ipaidalum sa state of water calamity.

Gin-athag ni Subaldo nga ang tubig sa bubon ang ginagamit sa pagpaligo, paglaba kag panghugas samtang nagabakal sang mineral water ang mga pumuluyo agud imnon.

May mga tubo naman nga ginbutang ang Metro Iloilo Water District (MIWD) sa barangay apang wala pa nagatubod ang tubig.

Isa sa 7 ka mga barangay ang Lanit nga nalakip sa resolution sang city council nga nagadeklarar sa syudad sa state of water calamity bangud naapektuhan sang el niño phenomenon. (JoMaque)

Leave a Reply