12443384_203773476652777_1714174405_o
Si Dr. Pacita Gonzales, balo ni the late Justice Sec. Raul Gonzales sa iya ginpatawag nga presscon kahapon. (Photo: Aksyon Johnny Diaz)

Iloilo City–Ginpasakaan sang 10 million pesos nga libel suit ni Dr. Pacita Gonzales, balo ni the late Justice Sec. Raul Gonzales, si Mayor Jed Patrick Mabilog.

Gin-file ang kaso sang Marso 14 sa Pasig City Prosecutor’s Office. May kaangtanan ini sa pagkadalahig sang pangalan sang anay Justice secretary sa naglapta nga white paper nga nagatudlo kay Councilor Plaridel Nava nga lider sang sindikato.

Ginbasehan ang TV broadcast sang alkalde sa diin ginbasa sini ang kaundan sang white paper nga nagatudlo sa ginpahayag Nava-Golez syndicate nga mastermind sa mga wala nasolbar nga krimen sa syudad. Nabutang man sa papel nga nagahatag sang bulanan nga pahamham si Dr. Gonzales kay Aksyon Jun Capulot kag gindalahig man sa indi maayo nga buluhaton ang anay tiglikum.

Una na nga nagdemand sang public apology si Dr. Gonzales pero wala ginhimo ni Mabilog. Sa imbestigasyon naman sang Iloilo City Police Office, nagaguwa nga wala sang kamatuoran ang kaundan sang white paper. (Aine Grace Bravo)

Leave a Reply