Cabatuan, Iloilo–Isa ang patay kag duha ang pilason sang nakabunggo ang motorsiklo sa FUSO Canter truck sa Barangay Tabucan kagab-i.

Gindeklarar nga dead-on-arrival sa Ramon Tabiana District Hospital si Edwin Candido, 35 sang Leganes, bangud sang patal nga pilas sa ulo. Gindala man sa pareho nga ospital ang angkas sini nga si Nestor Paran, 32 sang Aganan, Pavia, nga may pilas sa nawong, kamot kag paa.

Napilasan man sa kamot, magtimbang nga paa kag bibig si Caroline Ballener sang Cabatuan. Si Ballener ang nagasakay sa truck nga ginamaneho sang iya bana nga si Eliazar Ballener. Suno kay PO2 Jasper Canto, naglapaw sa lane sang truck ang motorsiklo rason sang pagbunggu-anay. (Aine Grace Bravo)

Leave a Reply