Iloilo City–Kumpirmado nga magapasakup sa Aliwan Fiesta sang Manila Broadcasting Company ang Tribu Panayanon sang Iloilo City National High School.

Ginpahayag ini ni Mr. Rommel Flogen, ang choreographer sang Tribu Panayanon nga nakilala naman sa bug-os nga pungsod. Suno kay Flogen, dayon ang ila paglakat sa Abril 12 bisan wala sila sang suporta halin sa City Government kag Iloilo Dinagyang Foundation Incorporated. Suportado ang paglakat sang team sang principal sang ICNHS kag ila mga sponsors.

Personal suno sa kay Flogen nga gin-imbitar siya sang mga organizers sang Aliwan Fiesta nga ginakabig festival of festivals sa pungsod. Madumduman nga wala nalakip ang panayanon sa Top 5 sang Dinagyang Festival 2016.

Magapasakup man sa Aliwan Fiesta ang Tribu Salognon sang Jaro National High School, ang nagkampeon sa Dinagyang Festival subong nga tuig. Natalana ang Aliwan Fiesta sa Abril 14 tubtob 16. (Aine Grace Bravo)

Leave a Reply