MARINA, naghatag sang special permit sa mga pumpboats nga magbiyahe halin sa Ortiz Wharf diretso sa Balaan Bukid sa Guimaras
Read Time:44 Second
Iloilo City–Ginhatagan sang special pemit sang Maritime Industry Authority ukon MARINA ang mga pumpboats nga makabiyahe halin sa Ortiz Wharf padulong sa Balaan Bukid sa Jordan, Guimaras.
Suno kay Lieutenant Jomark Angue sang Coast Guard Iloilo Station, nagsugod kahapon ang paghatag snag special permit tubtub sa Marso 25 ukon sa Biernes Santo. Nakasaad naman sa permit nga dapat sa Jordan Wharf gid masakay ang mga pasahero kon maghalin sa Balaan Bukid kag magbalik sa Iloilo.
20 pesos ang plete padulong sa Balaan Bukid samtang regular ang pamasahe halin sa Jordan Wharf pabalik sa Ortiz Wharf. Dakpon sang Coast Guard ang pribado nga pumpoats nga magdala sang mga pasahero padulong sa Balaan Bukid bangud ang Jordan Banca Owners Association lang ang ginhatagan sang special permit.
Ginalauman nga magadagsa naman ang linibo ka deboto sa Balaan Bukid sa Huwebes kag Biernes Santo. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating