Power supply sa summer, bastante suno sa PECO

Iloilo City–Bastante ang power supply sa syudad subong nga tig-ilinit.

Ginpasalig ini ni Engr. Randy Pastolero sang Panay Electric Company (PECO). Nakay-o na ang coal-fired power plant sang Panay Energy Development Corporation gani tayuyon man ang supply sang elektrisidad. Suno pa kay Pastolero, wala man sang problema sa ila diesel plant.

Pero ginpanugyan gihapon ni Pastolero sa publiko ang pagkinot bisan pa bastante ang power supply. Ginapa-abot na nga magasaka ang power demand sa summer. (Aine Grace Bravo)