Iloilo City–Gin-aprubahan sang mayorya sa City Council sa session kahapon ang pagbakal sang syudad sang 32 milyones pesos nga balor sang propedad sang Panay Railways Inc.

Ini sa pihak sang pagpamalabag nanday Councilors Joshua Alim kag Plaridel Nava sa pagpati nga pierde sa kasugtanan ang syudad sa pagbakal sang 2,385-square-meter nga lote sa Muelle Loney, City Proper. Base sa agreement, ibaligya, isaylo kag i-convey sang PRI ang lote sa syudad kasunod sang down payment nga 12 million pesos. Pero i-prenda sang syudad ang propedad sa PRI tubtob matapos bayad ang balanse nga 20.1 million pesos kag annual interest.

Ang lote sang PRI gamiton sang syudad agud patindugan sang bag-o kag mas daku nga Freedom Grandstand nga maka-akomodar sang apat ka libo ka crowd. Ginaplano man nga patindugan ang propedad sang mga opisina sang City Government. Iga-demolish naman ang naga-egsister subong nga grandstand agud i-rehabilitate ang Sunburst Park. (Aine Grace Bravo)

Leave a Reply