Iloilo — Yara na sa advance state of decomposition ang bangkay sang Human Resource Supervisor sang Taytay sa Kauswagan, Inc. sang nasapwan sa maligwin kag nabukid nga parte sang Dumarao, Capiz sang Biernes Santo.

Nabatak na tubtub sa dughan ang palda sang biktima nga ginkilala kay Lea Sorongon Pasamonte, residente sang R.Y. Ladrido Street, Poblacion, Pototan sang ini ang nakit-an sa Barangay Taslan.

Wala naman ini sang underwear, nahigtan sang nylon cord ang iya leog kag gingaid sa puno sang kahoy nga patalo.

Ginreport nga missing ang biktima sang Marso 22.

Ulihi ini nga nakit-an nga nagamaneho sang iya awto sa Barangay Dawis, Pototan kag may duha ka upod alas 6 sang gab-i sang amo man nga adlaw.

Natingala naman ang pamilya sini kun ngaa nakalab-ut sa Dumarao ang biktima.

Narecover sa awto sini nga ginbilin sa Poblacion Ilaya, Dumarao ang kulintas ni Pasamonte.

Indi pa maathag ang motibo sa pagpatay sa biktima. (JoMaque)

Leave a Reply