Iloilo City–Ginpahanumdom sang Commission on Elections ang mga lokal nga kandidato nga sundon ang regulasyon sa pagpatapik sang mga posters sa mga designated common poster areas.

Suno kay Mr. Jonathan Sayno, election officer 2 sang City Comelec, isa lang gid ka poster sa kada kandidato ang ginapasugtan nga ibutang sa mga common poster areas. Indi dapat maglapaw sa 2×3 feet ang kadakuon sang mga posters. Puwede nga makapagusto sa pagpatapik sang posters ang mga kandidato sa mga private properties sa kondisyon nga 2×3 feet gihapon ang kadakuon sang ila election paraphernalia.

Gindesignar nga mga common posters area ang tanan nga district plaza sa syudad. May ginbutang na nga mga markings ang Comelec sa mga common poster areas para sa kada political party kag independent candidates. (Aine Grace Bravo)

Leave a Reply