Iloilo City–62 ka mga balay ang natupok sa Barangay Maria Clara kag portion sang Rizal Ibarra, City Proper kagab-i.

Sa record sang Bureau of Fire Protection, 54 ang naabo gid sa sunog kag walo ang partially-damaged. Siyam naman ang nasamaran lakip ang duha ka taga-BFP.

Madasig ang paglapta sang kalayo bangud human sa light materials ang kalabanan sang mga balay. Nakaresponder man ang firetrucks sang lain-lain nga kabanwahanan magluwas pa sa taga-BFP Iloilo City kag mga volunteer fire groups pero nabudlayan sa pagsulod bangud makitid ang dalan.

Gintudlo naman sang pila ka residente si alyas Boy Supremo nga nagpamahug nga sunugon ang ila lugar. Bisan si Maria Clara Punong Barangay Rizalino Salazar ang nagpabutyag nga nakabaton sang report sa pamahug ni Boy Supremo. (Aine Grace Bravo)

Leave a Reply