UPDATE: Ginhalinan sang sunog sa Maria Clara kag Rizal Ibarra, gina-imbestigaran na sang BFP

Iloilo City–Ginatutukan sang Bureau of Fire Protection ang alegasyon sang mga residente sa Maria Clara, City Proper nga si Rodolfo “Boy” Supremo ang nagsugod sang sunog sang Lunes sang gab-i.

Apang wala sang direkta nga testimonya halin sa mga nasunugan nga nakita nila si Supremo nga nagsugod sang sunog. Gin-inspect ni City Fire Marshal SUPT Jerry Candido ang balay ni Supremo kag nakita nga naghalin sa ikaduha nga panalgan ang kalayo.

Wala man siya sang may na-recover nga physical evidence sa balay nga nagapakita nga aksidente ang sunog. Nagapati si Candido nga kon mag-execute kag mag-subcribe sang affidavit ang mga pumuluyo, may bastante nga circumstantial evidence sila agud magamit sa pag-file sang arson case batuk kay Supremo.

Makabig nga isa sa mga ebidensya ang akto ni Supremo nga wala sang ginhimo agud proteheran ang iya balay samtang ginalamon sang kalayo. (Aine Grace Bravo)