Iloilo–Nagagamit sang illegal nga druga ang duha ka suspek sa pagpatay sa HR Supervisor sang Taytay sa Kauswagan, Inc nga si Leah Sorongon-Pasamonte nga nasapwan sa Brgy. Taslan, Dumarao, Capiz sang Marso 25.

Pero gin-athag ni Leomar Palencia, 20-anyos sang Punong Grande, Dueñas nga wala sila ni Hadjie Tolentino, 35 sang Malusgod, Pototan, nakagamit sang illegal drugs sa tiun tion nga ginpatay nila ang biktima. Suno kay Palencia, nakagamit sila sang illegal drugs pagkatapos sang krimen sa diin nagsakay sila sa taxi padulong sa Bakhaw, Mandurriao kag nagbakal sang shabu antes nagdiretso sa Dumangas Port kag nagsakay sa RORO vessel padulong sa Negros Occidental.

Pagpangholdap lang suno kay Palencia ang tuyo nila kay Pasamonte apang nadesisyunan nga patyon bangud nga kilala sang biktima si Tolentino. Ginkuha sang mga suspek ang P3, 200 nga kuwarta sang biktima pero wala na nakuha ang kulintas ni Pasamonte.

Gintudlo ni Palencia si Tolentino nga amo ang nagsumbag, nagkuga, kag naga-id sa kahoy kay Pasamonte kag ginpahayag nga ginhimuslan pa bisan patay na ang biktima.

Nagpanindugan naman si Tolentino nga duha lang sila ni Palencia ang naghimo sang krimen. (Aine Grace Bravo)

Leave a Reply