Iloilo City–Wala na-threaten ang Tribu Salognon sang Jaro National High School sa Tribu Panayanon sang Iloilo City National High School kun mag-atubangay gid man sila sa Aliwan Fiesta sang Manila Broadcasting Company ukon MBC.

Ini ang pag-athag ni Dr. Belinda Dinopol, principal sang Jaro National High School. Gin-athag man sini nga wala siya nag-ayo sa principal sang Iloilo City National High School nga si Dr. Blesilda Floro nga indi pagpalakton ang Panayanon sa Aliwan bangud mangin kakumpetensiya nila ini sa kampeonato.

Nagsapol sang Marso 28 ang duha ka principal upod ang mga taga-city schools division agud ma-settle ang problema. Matapos sini, nagdesisyon ang Panayanon nga indi na lang magpasakop sa Aliwan agud malikawan ang tension sa mga kabataan. Ginrason man suno kay Dr. Dinopol sang city schools division nga ang ginapadala lang sa Aliwan amo ang nagdaug nga tribu.

Madumduman nga wala nagdaug ang Panayanon sa Dinagyang subong nga tuig bangud naglapaw sa limit ang ila mga props. (Aine Grace Bravo)

Leave a Reply