Update: Gintudlo suspek nga nagsugod sang sunog sa Ma. Clara City Proper, pasakaan sang kaso nga destructive arson sang BFP

Iloilo City — Kasuhan sang destructive arson ni City Fire Marshall Supt. Gerry Candido si Rodolfo Supremo alyas Boy nga gintudlo sang mga testigo na nagsunog sa iya balay sa Barangay. Ma. Clara, City Proper nga nagtupok man sa 70 pa ka mga balay.

May apat ka mga testigo nga nakuha ang arson investigators sang Bureau of Fire Protection nga nagatudlo kay Supremo nga may kahimuan sa nagluntad nga sunog.

Sa initial investigation, nakita sang mga bombero nga may tinumpok nga mga tela sa second floor sang balay ni Supremo nga ginpabutyag sang mga pumuluyo nga ginhalinan sang kalayo.

Gina-finalize na ni Candido ang mga dokumento kag isa na lang ka testigo ang ginahulat agud ma-file ang kaso.

54 ka mga balay ang totally-damaged kag 15 ang partially-damaged sa Ma. Clara kag 5 ka balay ang naupos kag 4 ang partially-damaged sa Rizal-Ibarra. (JoMaque)