Iloilo — Natunga sa duha ka events ang Balikatan Exercises sang Armed Forces of the Philippines kag US Armed Forces sa Isla sang Panay nga nagsugod subong nga adlaw kag magatapos sa Abril 16.

Suno kay Lieutenant Colonel Ray Tiongson, spokesman sang 3rd Infantry Division sang Philippine Army, may humanitarian and civic assistance event sa Capiz kag Iloilo sugod kaina tubtob sa abril 16.

Samtang hiwaton sa Antique ang operational event halin Abril 11 tubtob 14 sa diin tutukan ang paghanas sa pag-transport sang mga personnel, equipment kag logistics gamit sa sea kag air assets.

Ginpili ang Panay island nga mangin isa sa mga venues sang balikatan exercises bangud masami gina-igo sang kalamidad ang Visayas.

Katuyuan man sini suno kay tiongson nga mahanas ang mga tropa sa visayas may kaangtanan sa humanitarian assistance kag disaster response. (JoMaque)

Leave a Reply