Iloilo City–Ginpanginwala ni Atty. Mark Piad, legal counsel kag spokesman ni Mayor Jed Patrick Mabilog, nga may lamud pulitika ang pagpatawag sang alkalde sang meeting sa mga regular employees kag job hires sang syudad.

Gin-athag ni Piad nga katungdanan ni Mabilog ang pagsapol sa mga empleyado sang City Hall ilabe na sa mga bag-uhanon agud ipahangup ang ila katungdanan. Ginpabutyag ni Atty. Piad nga orientation lang ang natabu kag wala sang pulitika nga na-istoryahan bangud nahibaluan sang alkalde ang pagsulundan sang Comelec.

Ginpanginwala man ni Atty. Piad nga ginpahug ni Mabilog ang mga empleyado kag job hires nga madulaan sang trabaho kon indi magsuporta sa iya kandidatura sa Mayo 9 nga piniliay. (Aine Grace Bravo)

Leave a Reply