Iloilo City — Gina-respeto ni Governor Arthur Defensor ang desisyon ni Janiuay Vice Mayor Jojo Lutero kag 4 ka mga Sangguniang Bayan members nga nag-withdraw sang suporta kay Mayoral candidate Mary Jane Faune-Locsin, asawa ni Mayor Frankie Locsin.

Indi na magpatunga sa konflikto ang gobernador sa pagpati nga magalain pa gid ang sitwasyon kon piliton nga mag-updanay ang duha ka grupo.

Nagpamat-ud si Defensor nga suportahan si Locsin, Lutero kag 4 ka SB members bangud lunsay sila yara sa line-up sang Liberal Party.

Magapabilin ang suporta nanday Locsin kag Lutero sa kandidato sa pagka-presidente, vice president, senador, governor, vice governor, congressman kag board member sang LP samtang separado ang kampanya sa local candidate.

Nagdisgusto suno kay Defensor ang grupo ni Lutero bangud wala sila ginpahibalo sang ginpa-substitute ni Mayor Locsin ang iya asawa nga maga-kandidato sa pagka-alkalde.  (JoMaque)

Leave a Reply