Iloilo–Indi magpatunga sa konflikto nanday Janiuay Mayor Frankie Locsin kag Vice Mayor Jojo Lutero si Governor Arthur Defensor.

Suno sa gobernador, magalala lang ang sitwasyon kon piliton niya nga mag-updanay ang duha ka grupo. Ginarespeto ni Defensor ang desisyon ni Lutero kag apat ka mga SB members nga magbawi sang suporta kay Locsin matapos wala sila ginpahibalo nga himuon substitute sang alkalde sa pagka-mayor ang asawa nga si Mary Jane Faune-Locsin. Apang nagpamat-od si Defensor nga suportahan si Locsin, Lutero kag apat ka mga SB members nga lunsay yara sa linyada sang Liberal Party.

Una na ginpabutyag nanday Locsin kag Lutero nga suportahan ang mga kandidato sang LP halin sa pagka-presidente tubtub sa pagka-board member. (Aine Grace Bravo)

Leave a Reply