Janiuay Mayor Frankie Locsin, gin-akusahan ni mayoralty candidate Jojo De Paula sang pagpang-harass

Iloilo — Gin-akusaran ni Jojo De Paula, nagapadalagan nga Mayor sa Janiuay, si Mayor Frankie Locsin nga nagkomprontar sa iya grupo.

Suno kay De Paula, nagkadto kahapon sang aga ang mga panday ni Mayor Locsin agud butangan sang kudal.

Ginpabutyag ni De Paula nga halin sang 1949 pa naga-istar sa lugar ang iya pamilya gani ginpunggan ang tuyo nga pagpasirado ni Locsin.

Nag-abot man ang alkalde suno kay De Paula upod sa anak sini, asawa nga si Mary Jane Faune-Locsin nga kasumpong ni De Paula sa pagka-mayor, kag iban pa nga volunteers.

Natabu ini mga alas-10 sang aga suno kay De Paula.

Gintudlo sini si Mayor Locsin nga nag-harass sa ila grupo kag gin-akusaran man si Marlon Evangelista nga bodyguard sang alkalde nga may dala nga pusil.

Gintinguhaan sang Aksyon Radyo nga makuhaan sang iya bahin si Mayor Locsin pero wala ini nagasabat sa tawag sa iya. (JoMaque)