Iloilo City–Gin-ako ni Lanit, Jaro Punong Barangay Simplico Subaldo nga may mga pagbinaisay na sa barangay bangud sang agaway sa tubig ilabe na nga maninit ang supply subong nga tig-ilinit.

Indi malikawan suno kay Punong Barangay Subaldo nga may naga-initay sa tubig. Pero gilayon ini suno sa iya ginapatung-an sang mga opisyal lakip na ang mga village presidents sa mga relocation sites sa Lanit.

Aminado si Subaldo nga problema para sa iya ang sa Riverplains Subdivision bangud sa kagarot sang mga pamilya nga naga-estar sa masobra isa ka libo ka mga housing units. Ang Lanit, isa lang sa 21 ka mga barangay sa siyudad nga nagreport sa Liga ng mga Barangay office nga gusto nila magpa-deliver sang tubig bangud naga-antus na ang mga pumuluyo sa kulang nga supply.

Kalabanan sa mga tawo ang halos wala na nagatulog kag nagabantay sa pila agud masiguro nga may makuha sila nga tubig. (Aine Grace Bravo)

Leave a Reply