8 ka tuig nga Bata nga Babaye, Nalumos sang Nagpaligo sa Beach Resort sa Dumangas!

Iloilo — Patay ang 8 ka tuig nga grade 2 pupil matapos nalumos sa Costa de Roma Beach Resort sa Barangay Dacutan, Dumangas.

Suno kay Senior Inspector Charlie Sustento, hepe sang Dumangas Police Station, natalupangdan nga missing si alyas Ana sang Brgy. Cansilayan ala 1:15 sang hapon kag makaligad ang isa ka oras, nakit-an sang iya himata nga nagahabok na ang tiyan.

Gindala pa sa Ramon Duremdes District Hospital ang biktima apang wala gid natabangan.

Ginpahayag nga wala natalupangdan sang mga himata nga nagpatunga si alyas Ana kabangdanan sang iya pagkalumos. (JoMaque)