12992227_1100169843377481_1256085669_n

Iloilo City–Nagsurrender paagi sa Aksyon Radyo Iloilo si Noriel Sembrano, 34-anyos sang Zone 11 Calaparan, Arevalo nga isa sa duha ka preso nga nagpalagyo sa karsel sang Arevalo Police Station kahapon.

Suno kay Sembrano, nabugtawan sini nga wala na ang kaupod nga si Glen Paloma, 33-anyos sang North Baluarte, Molo. Nakita sini nga nabinat ang kabilya sa rehas gani nagdesisyon nga magpalagyo man sa kabalaka nga siya ang mabasulan. Suno kay Sembrano, nagpalagyo siya paagi sa pagsuhot sa nabinat nga rehas kag paglukso sa likod nga parte sang police station.

At-large gihapon si Paloma. Sanday Paloma kag Sembrano ang pareho nga may kaso may kaangtanan sa illegal drugs. (Aine Grace Bravo)

Leave a Reply