Alimodian, Iloilo — Sunod-sunod ang ginreport nga pag-atake sa grupo ni Alimodian Mayor Calay Alonsabe sang nagligad nga semana.

Suno kay Alonsabe, ang una nga insidente natabu sang Abril 4 pagkatapos sang ila caucus sa Barangay Bulod sa diin ginpalukpan sila sang pusil.

Ginsundan ini sang pagbalabag sang salakyan sa salakyan ni SB member Jose Amarillo nga madul-ong kuntani sang pasyente halin sa ginahiwatan sang caucus padulong sa ospital.

Pinaka-ulihi suno sa alkalde ang pagpapondo sang tatlo ka naka-bonnet kag naka-helmet nga mga tawo nga nakasakay sa motorsiklo sa iya nga supporter nga papuli sa Barangay Dalid.

Nagpasalig na si Iloilo Police Provincial Office Director Roderick Augustus Alba nga mapadala sang maga-imbestigar sa natabu suno kay Alonsabe.

Nagapati si Alonsabe nga may lamud pulitika ang mga natabu bisan pa ginpanindugan sini nga indi man siya poderoso.

Si Alonsabe ang nagapa-reelect kontra kay anay Mayor Juanito Alipao. (JoMaque)

Leave a Reply