Iloilo City–Gin-relieve nga hepe sang Arevalo Police Station si PSINSP Tranquilino Querubin kasunod sang pagpalagyo sang duha ka mga preso sang Domingo.

Lakip man nga gin-relieve sanday PINSP Leonardo Manua kag duty jailer PO2 Kimberly Rase. Ginbutang nga officer-in-charge si PINSP Armando Dollesco base sa mando ni Iloilo City Police Office OIC PSSUPT Kashmir Disomangcop samtang gina-imbestigaran ang natabu. Suno kay Dollesco, ginpa-report sa ICPO sanday Querubin, Manua kag Rase matapos ang insidente.

Nagpalagyo sanday Noriel Sembrano, 34-anyos sang Zone 11 Calaparan, Arevalo kag Glenn Paloma, 33-anyos sang North Baluarte, Molo paagi sa pagsuhot sa nabinat nga kabilya kag nag-agi sa likod nga parte sang police station.

Boluntaryo nga nag-surrender sa Aksyon Radyo Iloilo si Sembrano sang Domingo sang gab-i samtang at-large  gihapon si Paloma. (Aine Grace Bravo)

Leave a Reply