Update: Former Alimodian Mayor Juanito Alipao, wala nagsabat sa isyu nga mga supporters niya ang gintudlo nagpang-harass sa grupo ni Mayor Calay Alonsabe

Alimodian, Iloilo — Wala na nagsabat si former Mayor Juanito Alipao sang Alimodian sa isyu kon mga tinawo ukon supporters sini ang gintudlo sang mga tagsakdag ni incumbent Mayor Calay Alonsabe nga nagpangharass sa ila sang nagligad nga semana.

Nagkadto sa balay sang anay alkalde sa Alimodian ang reporter sang Aksyon Radyo pero nagbalibad ini nga magsabat sa isyu.

Nag-sorry man si Alipao bangud indi na makahatag sang dugang nga komento.

Nagreklamo sa alimodian police station ang mga supporters ni Mayor Alonsabe bangud sa ginpahayag pag-harass sa ila sang grupo sang anay alkalde.

Nagapati si Alonsabe nga may lamod pulitika ang natabu nga ginpa-imbestigaran na ni Iloilo Police Provincial Office Director Roderick Augustus Alba. (JoMaque)